ХАТУУ ХӨЛ ХОРИОГ ЦУЦАЛЖ УЛААН ТҮВШИНД ШИЛЖҮҮЛЛЭЭ.
Аймгийн Онцгой комисс өнөөдөр хуралдаж Сайншанд сумын хатуу хөл хориог 2021.04.05-ны 06.00 цагаас эхлэн цуцалж улаан түвшинд шилжүүллээ. 2021.04.11-ний 06.00 цаг хүртэлх хугацаанд бүх нийтийн бэлэн байдлын зэрэгт Сайншанд, Замын-Үүд, Сайхандулаан, Даланжаргалан, Алтанширээ, Иххэт, Айраг, Хатанбулаг сумдууд улаан түвшинд шилжсэн хэвээр үргэлжилнэ.
ТОВЧ МЭДЭЭ:
-Коронавируст халдварын эсрэг дархлаажуулалт 3 суманд 5 цэгт 13 багийн 61 эрүүл мэндийн ажилтан ажиллаж өссөн дүнгээр 2260 хүнийг дархлаажуулалтад хамрууллаа.
-Хатанбулаг сумыг улаан түвшинд шилжүүлж, Ханги хилийн боомтод 1000 хүнийг дархлаажуулах ажил үргэлжилж байна.
-Айраг, Даланжаргалан сумын Онцгой комиссын хариу арга хэмжээний албан хаагчдыг дархлаажуулж эхэлнэ.
-Нэгдсэн эмнэлэг, хувийн эмнэлэг, эмийн сан хэвийн ажиллана.
-Сум хооронд, хот хоорондын зорчих хөдөлгөөн тодорхойгүй хугацаагаар хязгаарласан шийдвэрт өөрчлөлт орохгүй.
-Халдварын голомтыг цомхотгож тандалт судалгааны ажил үргэлжилж байна.
-Аймгийн хэмжээнд сүүлийн 48 цагийн хугацаанд нэмж халдварын тохиолдол бүртгэгдээгүй. 17 батлагдсан тохиолдлын ойрын хавьтал 172, дам хавьтал 659, гэрийн тусгаарлалтад 1195 хүн ажиглалтад байна.
-20.00-06.00 цагт бүх нийтийн хөдөлгөөнийг хязгаарлана.
-Архи согтууруулах ундаа худалдаалах, түүгээр үйлчлэхийг хориглоно.
-Нийтийн хоолны үйлчилгээ зөвхөн хүргэлтээр ажиллана.
-Хүнсний дэлгүүрүүд ариутгал халдваргүйжүүлэлт хийлгэж хүний хязгаартай буюу 30 хувийн дүүргэлттэй ажиллана.
-Бусад үйлчилгээний газар 2021.04.11-нийг хүртэлх хугацаанд ажиллахгүй.
-Сайншанд суманд ариутгал халдвагүйжүүлэлтийн ажлыг эрчимтэй зохион байгууллаа.