ХЯНАЛТЫН ПОСТУУДАД 21 ЦАГДААГИЙН АЛБА ХААГЧ ҮҮРЭГ ГҮЙЦЭТГЭЖ БАЙНА.
Коронавируст халдвар /ковид-19/ цар тахлаас урьдчилан сэргийлэх зорилгоор аймгийн Цагдаагийн газраас иргэд, тээврийн хэрэгслийн хөдөлгөөнд 24 цагаар хяналт тавьж ажиллаж байна.
Босоо тэнхлэгийн зам дагуу болон Даланжаргалан, Айраг, Замын-Үүд, Сайншанд сумдын хяналтын 9 постод 21 цагдаагийн алба хаагч бусад мэргэжлийн анги, байгууллагын ажилтан алба хаагчидтай хамтран ажиллаж байгаа бөгөөд “Гамшгаас хамгаалах өндөржүүлсэн бэлэн байдлын зэрэг”-т шилжсэнээс хойших хугацаанд хорио цээрийн дэглэм зөрчсөн нийт 14 гомдол, мэдээллийг хүлээн авч 5 гомдол мэдээлэлд зөрчлийн хэрэг нээж шүүхэд шилжүүлэн 2.5 сая төгрөгийн торгуулийн арга хэмжээ авчээ.